Жаңа бейнеклип YouTube видеопорталында жарияланды
Даңқты әнші Димаш Құдайберген коронавируспен күреске арнап ән орындады. Жаңа ән «We are one» (Біз біргеміз) деп аталады.
Бейнеклип пандемиямен күресіп жатқан дәрігерлерге, медициналық қызметкерлерге және карантинде оқшауланған адамдарға арналған.
«Бүкіл әлем коронавирус эпидемиясымен күресіп, қиындықты бастан өткеріп жатыр. Тек бірігіп күресу арқылы, бір-бірімізге көмектесу арқылы біз COVID-19 вирусын жеңе аламыз», - делінген видеоға тіркелген жазбада.