Румынияда камералық оркестр Абай шығармаларын орындады

Румынияда камералық оркестр ұлы Абайдың музыкалық шығармаларын орындады, деп хабарлайды Azattyq Rýhy тілшісі. 

Қазақ композиторы мен ақынының жауһарлары тарихи аймақта, Трансильванияның астанасы Клуж-Напока қаласында шырқалды. Аспаптық концерт Румыниядағы Қазақстанның мәдениет күндері аясында өтті. Сондай-ақ, ел тұрғындарын қазақстандық суретшілердің жұмыстарымен таныстырып, қазақ халқының тарихы туралы бірнеше фильм көрсетілді. Олардың арасында «Қазақ хандығы. Алтын тақ», «Шыңырау» және «Құнанбай» фильмдері бар. 

Айта кетерлігі, румын оркестрінің әлеуметтік желілердегі парақшасында ұлы қазақ ойшылының шығармалары жазылған ролик 5 мыңға жуық рет қаралды.