Димаш Құдайберген қараша айында Токиода өтетін ABU TV Song фестивалінде өнер көрсетеді
Димаш Құдайберген қараша айында Токиода өтетін концертке байланысты жапондық көрермендеріне сәлем жолдады, деп хабарлайды Azattyq Rýhy ҚазАқпаратқа сілтеме жасап.
«Жапония, көріскенше! See you Japan. Япония жду вас на концерте», - деп жазады әнші үш тілде өзінің желідегі парақшасында.
Бұдан бұрын хабарланғандай, Димаш Құдайберген қараша айында Жапония астанасы Токиода өтетін ABU TV Song фестивалінде өнер көрсетеді.
Ол музыкалық шараға арнайы қонақ ретінде шақырылған. Димаштан бөлек, бұл беделді телевизиялық фестивальде Түркия, Вьетнам, Оңтүстік Корея, Қытай, Индонезия және Үндістан елдерінің жұлдыздары да көрерменге өз әндерін ұсынбақ. Айта кетейік, шараны «Хабар» телеарнасы өз эфирінде көрсетеді.