«Өзбекстанға 3 талап қойдық». Экология министрімен сұхбат

2025 жылға қарай әлем халқының үштен екісі су тапшылығының зардабын тартады. Сондай-ақ сарапшылардың болжамы бойынша ірі державалар мұнай мен газ емес, су сату арқылы үстемдік құруға тырыспақ. Ал су ресурстары біздің ел үшін де өте өзекті мәселе. Мәселен, Қазақстанда судың 46 пайызы трансшекаралық өзендер арқылы алынады. Одан бөлек, Қазақстан су мәселесіне келгенде көрші мемлекеттерге қатты тәуелді. Тіршілік нәрін үнемдеп пайдалану жағы кемшін, суды ретсіз пайдалану басым.

Осындай түйткілдердің кесірінен облыстарда шаруалардың егіс алқабына су жетпей жатыр. Тығырықтан қалай шығамыз? Орта Азияны титықтатқан су мәселесі қалай шешіледі? Елдегі тозығы жеткен су қоймалары қашан жөнделеді? Сардоба су қоймасының құрылысына қатысты Қазақстан Өзбекстанға қандай талап қойды? Осы және басқа да сұрақтарға «Азат Алаң» бағдарламасында Экология министрі Мағзұм Мырзағалиев жауап берді.

Фото: Нұрдәулет Әбікеев