Динара Сәтжан қонақтарға зәулім үйін көрсетті (ВИДЕО)

Белгілі журналист әрі тележүргізуші Динара Сәтжан күйеуі Жұмабек Жанықұловпен бірге достарын жаңа үйіне қонаққа шақырып, оларға эксклюзивті экскурсия өткізді, деп хабарлайды Azattyq Rýhy. 

Жаңа үйдегі алғашқы қонақтар – Баян және Тұрсын Алагөзовтер

Кеш қонақтарының қатарында продюсер Баян Алагөзова мен Тұрсын Алагөзов, сондай-ақ дизайнер Аида Қауменова болған. Ерлі-зайыптылар достарына үйдің іші мен ауласын көрсетіп, ерекше қонақжайлылық танытқан.

«Достар – ең үлкен байлық! Жаныңда ақылды, қызықты адамдардың болуы – нағыз бақыт. Себебі осындай адамдармен бірге өсесің, күлесің және ең бастысы — өзің болып қала аласың!» – деп жазды Динара Сатжан Instagram-парақшасында.

Журналист оқырмандарына қонақтарды қарсы алуға қалай мұқият дайындалғанын да көрсетті.

Желі қолданушылары жылы тілектерін арнады

Желі қолданушылары тележүргізуші мен оның жұбайына ізгі тілектерін жаудырып, жазба астына жүздеген пікір қалдырды:

• «Баян мен Тұрсын сондай жарасымды жұп, кім айтар 50-де деп — ең көп 36-37 жастағыдай көрінеді!»
• «Динара, шаңырағыңызда әрдайым береке болсын! Осындай позитивті сәттерді жиі бөлісіңіз».
• «Жаңа үйіңізде тек қуаныш пен күлкі көп болсын!»
• «Осындай әдемі, заманауи үйлер көп болсын елімізде!»