«100 келі болдым»: Динара Қырықбаева дене бітімі туралы айтты

Актриса әрі үш баланың анасы Динара Қырықбаева жүктіліктен кейін артық салмақтан арылу тәжірибесі туралы айтты. Өнер иесі бұл жолда хирургиялық әдіс қана емес, төзімділік пен тәртіп маңызды рөл атқарғанын айтты, деп хабарлайды Azattyq Rýhy. 

«Әр босанудан кейін 100 келіге дейін толатынмын»

Актрисаның айтуынша, әр босанудан кейін дене пішінін қабылдау оған оңай болмаған.

«Мен үш баланың анасымын, үшеуін де кесір тілігі арқылы дүниеге әкелдім. Әр босанудан кейін салмағым шамамен 100 келіге жетіп қалатын. Ал менің қалыпты салмағым — 65 кг. Бұл өзгерістерді қабылдау оңай болмады. Бірақ ол килограммдар менің ең бақытты кезеңімнің белгісі еді. Өйткені сол сәттерде өмірімдегі ең қымбатты сыйды — балаларымды алдым», – деді ол.

Ота мен тәртіптің рөлі

Үшінші босанудан кейін Динара Қырықбаева іш аймағындағы артық салмақтан арылу үшін операция жасатуға шешім қабылдаған. Алайда ол нәтижеге жетудің басты құпиясы — өмір салтын түбегейлі өзгерту екенін атап өтті.

«Қалғанының бәрі – спорт, дұрыс тамақтану, өзін-өзі бақылау және сенімнің арқасы. Қазір айналамнан жылы сөздер естимін, өзгелердің назарын байқаймын. Бірақ мұның артында үлкен еңбек жатыр. Маңыздысы – салмақ емес, өз тәніңде жайлы сезіну. Әрбір әйел оған жете алады. Уақыты ұзақ болуы мүмкін, бірақ ең бастысы – тоқтап қалмау», – дейді актриса.

Қазіргі салмағы мен түр-тұлғасы

Динара өз бойы мен қазіргі салмағын да ашық жазды – 168 см, 73 кг. Ол әлеуметтік желіде жазбасын бөліскеннен кейін, желі қолданушылары жылы пікір қалдырды:

• «Әрқашан да әдемісіз! Көзіңіз бен күлкіңіз өмірге деген сүйіспеншілікті айқындап тұр»,
• «Динарочка, қандай мықтысыз!»,
• «Костюмыңыз да, мүсініңіз де жарасымды!»