Ол жеке ақпаратын жария еткен дәрігердің сөзіне реніш білдірді
Блогер мен асаба Елдос Кәдірханов өзін бедеулікке қатысты жеке ақпаратын жария еткен дәрігердің сөзіне реніш білдірді. Ол бұл жағдайдан кейін отбасында психологиялық күйзеліс болып жатқанын айтты. Ол өзінің бедеулікке қатысты жеке ақпараты әлеуметтік желіде жарияланғанына байланысты дәрігерге жауап берді, деп хабарлайды Azattyq Rýhy.
«Перизат ханым, сіз бізді емдеген жоқсыз, біздің операцияда болған жоқсыз. Бірақ кабинетте, дәрігерлер отырған жерде айтатын әңгімені әлеуметтік желіде айта салдыңыз. Сол сіздің үлкен қателігіңіз болды. Себебі халықтың бәрі дәрігер емес»– деді Елдос.
Ол өз сөзінде жұбайының бұл жағдайдан кейін қатты уайымға түскенін айтып, оны жұбата алмай жүргенін жеткізді.
Кәдірханов аталған клиникада емделгенін, барлық қызмет үшін ақы төлегенін, алайда дәрігер тарапынан жеке ақпараттың жариялануы кәсіби этикаға қайшы екенін алға тартты.
«Елдос сияқты ұрығы жоқ бедеу жігіттер көп келеді бізге, күнделікті жасалатын операция» дедіңіз. Операция жасалмай, бедеу деген диагноз қойылмайды. Дәрігерсіз, оны біліп тұрсыз. Дәрігерлік құпия, медициналық этика деген неге жоқ? Мен ол клиникада тегін емделген жоқпын. Ел қатарлы ақшасын төледім», - деді Елдос Кәдірханов.
Желі қолданушыларының айтуынша, Перизат Байқошқарованың сөздері қоғамда жағымсыз реакция туғызған. Көпшілік оны медициналық этика нормаларын бұзды деп айыптап, дәрігерге сенімсіздік білдірді.
Айта кетейік, Перизат Байқошқарова – «Экомед» клиникалар желісінің жетекшісі Салтанат Байқошқарованың сіңлісі.
Қазақстан Республикасының заңнамасына сәйкес, медициналық құпия – науқасқа қатысты кез келген ақпаратты үшінші тарапқа жария етуге тыйым салады. Дәрігер пациенттің келісімінсіз оның диагнозын, ем-шараларын немесе жеке мәліметтерін жария етуге құқылы емес.
Мұндай әрекет:
Естеріңізге сала кетсек, танымал блогер Елдос «Колобок» пен жұбайы Таңшолпан алғаш жүктілік жайлы жаңалықты жақындарына қалай жеткізгенін журналист Ләйлә Сұлтанқызына берген сұхбатында айтып берді. Ал желідегі парақшасында тараған видеосында блогер ұлды болатынын жариялады. Оған дейін жуырда жасалған маңызды отадан кейінгі жағдайын бөлісті.