Әнші көлігінің төбесіндегі люк арқылы шығып, жиналғандарға қол бұлғады
Астанада өткен Oyu Fest музыкалық фестивалінен кейін танымал әнші Қайрат Нұртастың көлігі жанкүйерлер қоршауында қалып, жұлдызбен кездесу ерекше сәтке айналды, деп хабарлайды Azattyq Rýhy.
Фестиваль аяқталған соң Қайрат Нұртастың ақ түсті Mercedes көлігін жанкүйерлер төрт жағынан қоршап алды. Әнші көпшіліктің ыстық ықыласына ренжудің орнына көлігінің төбесіндегі люк арқылы шығып, жиналғандарға қол бұлғады. Желіде тараған видеода жүздеген адам телефонға түсіріп, оның есімін айқайлап шақырып тұрғаны көрінеді.
«Әндерімен өстік, әр үйде оның әні шырқалды, өзі де жайдары жан – мұның бәрі халықтың шынайы сүйіспеншілігі», – деп жазды TikTok қолданушыларының бірі.
Көпшілік бұл сәтті « халықтың махаббаты» деп бағалады. Желіде Қайрат Нұртастың сабырлылығы мен жанкүйерлерге деген ашықтығы жоғары бағаланды.
Елордада өткен Oyu Fest – отандық шоу-бизнестің айтулы есімдері бас қосқан музыкалық шара. Әсіресе Кайрат Нұртастың қатысуы фестиваль көрермендерінің үлкен қызығушылығын тудырды.
«Кайраттың әр сахнаға шығуы – ерекше эмоция. Бұл жолы сахнадан түскен соң да, сол әсер жалғасты», – дейді фестиваль қонақтарының бірі.