Индонезияда мектептің құлауы салдарынан қаза тапқандар саны 14 адамға жетті

Индонезияда Сидоарджо қаласында «Әл-Хозини» ислам мектеп-интернатының опырылып құлауы салдарынан қаза тапқандар саны 14-ке жетті, деп хабарлайды Azattyq Rýhy «Известия» басылымына сілтеме жасап.

Соңғы мәлімет бойынша 103 адам құтқарылған. 49-ы із-түзсіз жоғалған. Құтқарушылар ауыр техниканың көмегімен үйінділерді аршуды жалғастырып жатыр.

«Құтқарушылар қазіргі таңда мектептің негізгі конструкцияға біріктірілмеген бөлігінің солтүстік жағына жұмылдырылған», - деп хабарлады билік өкілдері.

30 қыркүйекте не болды

Ява аралының шығысында 30 қыркүйекте мектеп ғимараты құлады. Үйінді астында 7 мен 11-сынып аралығындағы ондаған оқушы, негізінен 12-17 жас аралығындағы ұл балалар қалып қойды.

Биліктің мәліметінше кем дегенде 99 жасөспірім әртүрлі жарақат алған.