Оңтүстік Кореяда мектепте смартфон ұстауға тыйым салынды
Кейбір жастар ұйымдары бұл тыйымды сынға алып жатыр
Оңтүстік Кореяда сыныпта ұялы телефонды және басқа да цифрлық құрылғыларды пайдалануға тыйым салатын заң келесі жылдың наурыз айында күшіне енеді, деп хабарлайды Azattyq Rýhy channelnewsasia-ға сілтеме жасап.
Бұл шешім жасөспірімдер арасында әлеуметтік желіні белсенді пайдаланудың салдары туралы алаңдаушылықтың күшеюіне байланысты қабылданды.
Заң жобасы парламентте қос партияның қолдауына ие болды.
Білім министрлігінің мәліметі бойынша оңтүстіккореялық мектеп оқушыларының 37%-ы әлеуметтік желінің күнделікті өмірге әсерін мойындайды, ал 22%-ы аккаунттарға қол жеткізе алмайды екен.
Алайда білім алу мақсатында смартфон қолдануға болады, сондай-ақ мүмкіндігі шектеулі оқушыларға тыйым салынбайды. Кейбір жастар ұйымдары бұл тыйым бала құқығын бұзады деп есептейді.
