Вашингтондағы кездесу аймақтағы ұзақ жылғы дауға нүкте қоюы мүмкін
8 тамызда АҚШ астанасы Вашингтонда Әзербайжан президенті Ильхам Әлиев пен Армения премьер-министрі Никол Пашинян қақтығысты реттеу туралы декларацияға қол қойды. Келісім рәсіміне АҚШ Президенті Дональд Трамп қатысты, деп хабарлайды Azattyq Rýhy.
«Бұл – Армения мен Әзербайжан арасындағы тарихи кездесу», – деді Трамп салтанатты шарада.
Көп жыл бойы бейбіт келісімге қол қоюға кедергі болған басты мәселе – Зангезур дәлізі бойынша түйткіл шешімін тапты. Бұл дәліз Әзербайжанды Нахчыванмен Армения аумағы арқылы байланыстырады.
АҚШ президентінің айтуынша:
«Біз бұрынғы келіссөздерді тығырыққа тіреген түйінді шештік», – деді Дональд Трамп.
Келісім аясында америкалық компаниялар инфрақұрылымды дамытуға ірі инвестиция құюға дайын.
«Олар бұл екі елге кіргісі келеді және көп қаржы салмақ. Бұл үш мемлекетке де экономикалық пайда әкеледі», – деді АҚШ президенті.
Келісім іске асқан жағдайда, аймақта:
Естеріңізге сала кетсек, АҚШ Конгресі Өкілдер палатасының мүшесі Джо Уилсон Әзербайжан мен Армения арасында жақын арада бейбіт келісім жасалатынын мәлімдеген еді. Еуропалық комиссияның төрағасы Урсула фон дер Ляйен Армения мен Әзербайжан арасындағы бейбіт келісім жобасын тарихи бетбұрыс деп атап, оның жақын арада қол қою арқылы жүзеге асуына үміт білдірді. Оған дейін АҚШ Әзербайжан мен Армения арасындағы бейбітшілік орнату бағытындағы күш-жігерді қолдайтынын мәлімдеді.
Армения мен Әзербайжан арасындағы қарым-қатынас ондаған жыл бойы Таулы Қарабақ мәселесіне байланысты шиеленісті. Соңғы жылдары тараптар арасында бірнеше рет әскери қақтығыс болып, бейбіт келіссөздер үзіліп келген.
Зангезур дәлізі – аймақтық логистика үшін стратегиялық бағыт. Ол іске қосылса, Оңтүстік Кавказдағы экономикалық байланыстар нығаяды.