Кездесудің нақты мазмұны белгісіз
Әбу-Дабиде Әзербайжан президенті Ильхам Әлиев пен Армения премьер-министрі Никол Пашинянның келіссөзі 4 сағатқа созылды,деп хабарлайды Azattyq Rýhy.
Кездесу таңертегі 11:00 шамасында басталған. Алдымен екі елдің делегациялары қатысқан кеңейтілген форматтағы келіссөздер өтті. 11:12-де делегациялар залдан шығып, кездесу жеке форматта – тет-а-тет жалғасты.
12:00-де тараптар келіссөз барысында қысқа үзіліс жасап, кейін 12:34-те кеңейтілген құрамда қайта жалғастырған. Осылайша, екі ел басшысының келіссөздері 4 сағатқа жалғасқан.
Келіссөз мазмұны туралы ресми мәлімет берілген жоқ. Дегенмен, бұл кездесу Әзербайжан мен Армения арасындағы бейбітшілік процесін ілгерілетуге бағытталғаны белгілі.