Австрияда қауіпті инфекциядан үш адам көз жұмды
Легионелла инфекциясын 26 адам жұқтырып, 24 науқас ауруханаға түсті
Аустрияның Линц қаласы мен оның маңында шілде айының соңынан бері легионелла инфекциясын жұқтырған 26 адам тіркелді. Сондай-ақ қауіпті дерттен үш адам қайтыс болды, деп хабарлайды Azattyq Rýhy
Der Standard газетінің жазуынша, науқастардың басым бөлігі – Жоғарғы Аустрия тұрғындары. 24 адам ауруханаға жатқызылған, олардың кейбірі жансақтау бөлімінде жатыр. Тағы екі науқас ауру жұқтырғанға дейін Линц қаласында болған.
Үш науқастан бактерияның бірдей Allentown/France кіші түрі анықталды. Бұл инфекцияның ортақ таралу көзі болуы мүмкін екенін көрсетеді.
Мамандар әртүрлі су жүйелерінен 150-ден астам сынама алды. Linz AG компаниясының салқындату мұнарасынан легионелла бактериялары табылып, нысан тазартылып, дезинфекцияланды. Алайда оның аурудың таралуына қатысы бар-жоғы әзірге расталған жоқ.
