Головкин World Boxing президенті лауазымына жалғыз үміткер болып қалды

Басқа кандидаттар өз еркімен бас тартты

Фото: t.me/olympickz

Геннадий Головкин World Boxing президенті лауазымына жалғыз үміткер болып қалды, деп хабарлайды Azattyq Rýhy.

Кеше Грекия боксы федерациясының президенті Харис Мариолис өз кандидатурасынан бас тартқаны белгілі болды. Бұған дейін Владимир Кличко да сайлауға қатыспайтынын жариялаған еді.

Осылайша, апта соңында Римде (Италия) жоспарланған сайлауда Головкин ұйымның жаңа президенті болып сайлануы тиіс.

Еске салайық, World Boxing 2023 жылдың сәуірінде ХОК пен IBA (бұрынғы AIBA) арасындағы қарым-қатынастың үзілуінен кейін боксты олимпиадалық бағдарламада сақтау мақсатында құрылды.

Мақалада

#бокс #Геннадий Головкин #боксшы

Алдыңғы жаңалық

Сурдлимпиада-2025: Қазақстан спортшылары 13 медаль жеңіп алды