Жартылай финалда Александр Бублик Канада өкілімен кездеседі
Қазақстандық теннисші Александр Бублик ATP Masters 1000 сериясындағы Париж турнирінің жартылай финалына алғаш рет жолдама алды, деп хабарлайды Azattyq Rýhy Қазақстан теннис федерациясына сілтеме жасап.
Күрделі әрі тартысты ширек финалда Бублик әлемнің алтыншы ракеткасы, австралиялық Алекс де Минорды 6:7 (5:7), 6:4, 7:5 есебімен тізе бүктірді.
Матч 2 сағат 25 минутқа созылды. Осы уақыт ішінде қазақстандық спортшы 16 эйс жасап, төрт қос қателік жіберді және 5 мүмкіндіктің екеуін брейк-пойнтқа айналдырды.
Жартылай финалда Александр Бублик Канада өкілі Феликс Оже-Альяссиммен кездеседі. Канадалық теннисші қазіргі уақытта әлемдік рейтингте 10-орында тұр.
Бұл жеңістен кейін Бублик ATP рейтингінің чемпиондық жарысында 12-орынға көтерілді және Туринде өтетін маусымның Итогтық турниріне қатысу үшін күресті жалғастырып жатыр. Соңғы жолдама үшін ол Лоренцо Музетти, Феликс Оже-Альяссим және Даниил Медведевпен бақ сынайды.