$ 538.54  628.31  6.7
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Елена Рыбакина АҚШ ашық чемпионатында ірі жеңіске жетті

Ол Эмма Радукануды сенімді ұтты

Елена Рыбакина АҚШ ашық чемпионатында ірі жеңіске жетті
Фото: Қазақстан теннис федерациясы

Қазақстандық теннисші Елена Рыбакина АҚШ ашық чемпионатында (US Open 2025) ірі жеңіске жетті. Әлемдік рейтингте 10-орында тұрған қазақстандық спортшы үшінші айналымда 2021 жылғы турнир жеңімпазы Эмма Радукануды сенімді ұтты, деп хабарлайды Azattyq Rýhy. 

Рыбакина – 1/8 финалда

Лондондық теннисшіге қарсы матч небәрі екі сетке созылды. Рыбакина қарсыласын 6:1, 6:2 есебімен ойсырата жеңіп, жарыстың келесі кезеңіне өтті.

Бұл жеңілістен кейін Эмма Радукану турнирдегі жолын мерзімінен бұрын аяқтады.

Бұған дейінгі кездесулер

Елена Рыбакина алғашқы екі айналымда да сенімді ойын көрсетті:

  • америкалық Джульетта Пареханы (WTA – 335) – 6:3, 6:0 есебімен ұтты;
  • чехиялық Тереза Валентованы (WTA – 96) – 6:3, 7:6 нәтижесімен жеңді.

Турнирдің жүлде қоры

Биылғы US Open тарихтағы ең ірі сыйақыны ұсынып отыр. Жарыстың жеңімпазы 5 миллион доллар алады.

Айта кетейік, қазіргі чемпион атағы әлемнің бірінші ракеткасы – Арина Соболенкоға тиесілі.

Серіктес жаңалықтары