Қазақстанның бірінші ракеткасы Вашингтондағы WTA 500 турниріне қатысады
Қазақстанның үздік теннисшісі Елена Рыбакина АҚШ-та өтетін WTA 500 санатындағы беделді турнирде жұптық сында өнер көрсетеді. Бұл туралы Azattyq Rýhy агенттігі Sportarena.kz сайтына сілтеме жасап хабарлайды.
Вашингтонда өтетін жарыста Рыбакина британдық теннисші Эмма Радуканумен жұп болып ойнайды. Эмма – 2021 жылғы АҚШ Ашық чемпионатының жеңімпазы ретінде әлемге танымал.
Елена Рыбакина сондай-ақ турнирде жекелей сында да өнер көрсетеді. Ол негізгі сеткада үшінші нөмірмен тіркеліп, жарысты бірден екінші айналымнан бастайды.
WTA 500 санатындағы турнир 21 шілде күні Вашингтонда ресми түрде басталады.