Балуан Олимпиаданың жартылай финалына өтті
Грек-рим күресінен Қазақстан командасының мүшесі Демеу Жадыраев Париж Олимпиадасының жартылай финалына өтті, деп хабарлайды Azattyq Rýhy.
Жазғы ойындардың ширек финалында Жадыраев әйгілі қырғыз балуаны, екі дүркін әлем чемпионы Ақжол Махмұдовты жеңді. Есеп - 3:1.
Грек-рим күресінен 77 келі салмақта сынға түсіп жатқан Демеу Жадыраев енді Олимпиаданың ақтық сынына өту үшін бар күшін салады.
Оның жартылай финалдағы қарсыласы енді анықталады.
Бұған дейін Демеу колумбиялық Алексис Муньесті 9:0 есебімен жеңгенін хабарладық.