Азия ойындары: Қазақстан құрамасы оқ атудан қола жүлде иеленді

Автор: Мира Байбек

Спортшыларымыз Иран құрамасын жеңіп кетті

Фото: Тұрар Қазанғапов

Жазғы Азия ойындарында Қазақстан құрамасының қоржыны тағы бір жүлдемен толықты, деп хабарлайды Azattyq Ruhy.

Туризм және спорт министрлігі хабарлағандай, оқ атудан спортшыларымыз қола жүлде иегері атанды.

«10 метрден пневматикалық винтовкадан оқу атудан аралас командалық сайыста Ислам Сатпаев пен Александра Ле қола жүлде иеленді», - делінген хабарламада.

Олар Иран құрамасын жеңіп кетті.

Бұл жүлде Қазақстан үшін биылғы Азия ойындарындағы алтыншы жүлде болып отыр.

Тақырыпқа орай: Азия ойындарының үшінші күнінде спортшыларымыз қандай жетістікке жетті

Ұлттық құрама қоржынында бес қола және бір күміс бар.

Ханчжоудағы Азия ойындары 8 қазанға дейін жалғасады.