Бірінші орынға Грузия құрамасы шықты
Шахматтан Қазақстан қыздар құрамасы командалық әлем чемпионатының күміс жүлдегері атанды, деп хабарлайды Azattyq Ruhy агенттігі Рrosports.kz-ке сілтеме жасап.
«Финалда қазақстандық шахматшылар Грузия құрамасына жол берді. Ақтық кезеңнің алғашқы матчында Қазақстан – 1,5-2,5, екінші матчында – 0,5-3,5 есебімен жеңіліп қалды», - делінген хабарламада.
Ұлттық құрама сапында Бибісара Асаубаева, Ксения Балабаева, Әсел Серікбай, Меруерт Камалиденова, Алуа Нұрманова және Әмина Қайырбековалар өнер көрсетті.
Тақырыпқа орай: Қазақстан шахматтан алғаш рет әлем чемпионатының финалына шықты
Қола медальді Франция құрамасы иеленді. Олар үшінші орын үшін ойында АҚШ шахматшыларынан айласын асырды.