Министрлік еліміздің 2034 жылы өтетін футбол чемпионатына қатысу жоспарында жоқ екенін жеткізді
Мәдениет және спорт министрлігі Қазақстанның әлем чемпионатын өткізуге өтінім беруді жоспарламайтынын айтты, деп хабарлайды Azattyq Rýhy.
Министрлік еліміздің 2034 жылы өтетін футбол чемпионатына қатысу жоспарында жоқ екенін жеткізді.
«ҚР Мәдениет және спорт министрлігі қазақстандық футболды дамытуға ерекше назар аударады және осы бағытта жан-жақты қолдау көрсетеді. Алайда Қазақстанда футболдан әлем чемпионатын өткізу туралы мәселе қаралмағанын, тиісінше, чемпионатты өткізу үшін біздің еліміз өтінім беруді жоспарламағанын мәлімдейді», - делінген хабарламада.
Әлем чемпионатын Қазақстанда Өзбекстанмен бірге өткізу мүмкіндігі туралы мәлімдеме Орталық Азиядағы түркітілдес елдердің футбол қауымдастықтары басшыларының Қырғызстанда өтіп жатқан саммитінде айтылды.