Бокстан Қазақстан құрамасы халықаралық турнирде сегіз алтын жеңіп алды

Астанада Elorda Cup бокстан халықаралық турнир аяқталды, деп хабарлайды Azattyq Ruhy.

Спортты дамыту дирекциясының хабарлауынша, ерлер 13, ал бұрымдылар 12 салмақта өнер көрсетті. Бірінші орынға 700 доллар, екіншіге - 400, ал үшіншіге - 200 доллардан табысталды. 

Бұл жарыста Мырзағали Айтжанов кей салмақтардағы боксшылардың мүмкіндіктерін байқап көрген сияқты. 57, 63,5 және 92 келіде жақсы нәтиже көрсеткен боксшылар Қытайдың Ханьчжоу қаласында өтетін Азия ойындарына қатыса алады. Ал бұл жарыста Париждегі Олимпиадаға жолдама ойнатылады. 

Ерлер арасындағы жеңімпаздар:

• 48 кг: Теміртас Жүсіпов
• 51 кг: Сәкен Бибосынов
• 54 кг: Тимур Қабдешев
• 57 кг: Махмұт Сабырхан
• 60 кг: Дильшод Абдумуродов (Өзбекстан)
• 63,5 кг: Ертуған Зейнуллинов
• 67 кг: Шамшер Саидов (Тәжікстан)
• 71 кг: Хавасбек Асадуллаев (Өзбекстан)
• 75 кг: Нұрқанат Райыс
• 80 кг: Тоқтарбек Танатқан
• 86 кг: Абзал Құттыбеков
• 92 кг: Сағындық Тоғамбай
• + 92 кг: Жахонгир Зокиров (Өзбекстан).

Әйелдер арасындағы жеңімпаздар:

• 48 кг: Алуа Балқыбекова
• 50 кг: Назым Қызайбай
• 52 кг: Ву Ю (Қытай)
• 54 кг: Жәйна Шекербекова
• 57 кг: Виктория Графеева
• 60 кг: Римма Волосенко
• 63 кг: Янг Ченгу (Қытай)
• 66 кг: Наталья Богданова
• 70 кг: Жасмин Қизатова
• 75 кг: Ли Кьян (Қытай)
• 81 кг: Ванг Лина (Қытай)
• + 81 кг: Елдана Талипова. 

Ерлер арасында биылғы турнирдің үздік боксшысы отандасымыз Махмұд Сабырхан (57 кг) атанса, əйелдер арасында бұл атақ қытайлық Янг Ченгуге (63 кг) бұйырды. Үздік рефери - Ерлан Ғазизов, үздік төреші Ғани Ысқақовқа берілді.