Ол Cтамбулдағы бокс кеші аясында үндістандық Кулдип Сингхпен кездесті
Еділ Қожамбердиев Түркияда WBC титулын нокаутпен жеңіп алды, деп хабарлайды Azattyq Rýhy Sports.kz-ке сілтеме жасап.
Бірінші ауыр салмақтағы қазақстандық боксшы Еділ Қожамбердиев (12-2, 12 КО) кәсіпқой бокстағы кезекті айқасын өткізді. Ол Cтамбулдағы (Түркия) бокс кеші аясында үндістандық Кулдип Сингхпен (8-5-1, 5 КО) кездесті. Крузервейттегі WBC «Таяу шығыс» (WBC Middle East) чемпиондық белбеуі бәске қойылды.
Айқаста Қожамбердиев мерзімінен бұрын жеңіске жетті. Бұл Еділдің 2021 жылғы желтоқсаннан кейінгі алғашқы жекпе-жегі. Ол кезде Еділ түрік Хамза Гюнешті (6-1, 4 КО) бірінші раундта жеңіп, бос тұрған бірінші ауыр салмақтағы UBO Intercontinental белбеуін иеленген еді.