Оның «Ромамен» келісімшарты алдағы жылдың жазында аяқталады
Италияның «Рома» командасының жартылай қорғаушысы Генрих Мхитарян карьерасын Алматының «Қайратында» жалғастыруы мүмкін, деп хабарлайды Vesti.kz.
Мхитарянның келісімшарты 2022 жылдың жазында аяқталады. Ал италиялықтар оны ұзартуды ұсынбапты.
Футболшы бұрын Украинаның «Шахтері», немістің «Боруссия», ағылшынның «Манчестер Юнайтед», сол сияқты «Арсенал» командаларында ойнаған.
Клубтық карьерасында ол 537 матчта 165 гол салып, 131 ассист жасаған.