Ол US Open турнирінің ширек финалында қытайлық Чжэн Циньвэнді жеңгеннен кейін әлемнің №1 ракеткасы атанды
«Үлкен дулыға» турнирлерінің екі дүркін чемпионы, әлемнің су жаңа №1 ракеткасы Елена Рыбакина WTA рейтингіндегі жетістігіне қатысты пікір білдірді, деп хабарлайды Azattyq Rýhy.
«Бұл – тарих. Қазақстанның намысын қорғап жүргенімді мақтан тұтамын. Қазақстанның қай қаласына барсам да тенниске қызығып, теннис корттарына жиі баратын кішкентай балаларды көремін. Мені назарынан тыс қалдырмай, жетістіктерімді үнемі бақылап жүретін кішкентай бүлдіршіндердің көп болғаны қуантады. Бұл өзіңе деген сенімділік пен тынымсыз жаттығу арқылы үлкен жетістіктерге жетудің мүмкін екенін көрсетеді», – дейді Рыбакина.
Ол сөзін жалғай отырып, өзін құттықтаған қазақстандықтарға жылы лебізін білдірді.
«Қазақстанға барғаннан кейін жеке алғысымды айтқым келеді. Қазақстанға қайта оралудың өзі үлкен бақыт. Өкінішке қарай, жиі-жиі бара алмаймын. Меніңше, бұл – мемлекет үшін үлкен көрсеткіш», – дейді теннисші.
Айта кетейік, US Open турнирінің ширек финалында қытайлық Чжэн Циньвэнді (WTA – 121-орын) жеңгеннен кейін әлемнің №1 ракеткасы атанды. Отандасымыз бұл кездесуде қарсыласын үш сетте 3:6, 6:1, 6:4 есебімен жеңді.