ӘЧ-2026 қорытындысынан кейін FIFA құрамалар рейтингін жаңартты
Әлем чемпионы атанған Испания FIFA рейтингінде бірінші орынға көтерілді, ал Қазақстан құрамасы 111-орнын сақтап қалды
2026 жылғы әлем чемпионаты аяқталғаннан кейін Халықаралық футбол федерациясы (FIFA) ұлттық құрамалар рейтингін жаңартты. Әлем чемпиондығын жеңіп алған Испания құрамасы рейтингтің көш басына шықты, деп хабарлайды Azattyq Rýhy агенттігі.
«Қызыл фурия» Аргентинаны бірінші орыннан ығыстырды. Үздік бестікке Франция, Англия және Бразилия құрамалары да енді.
Жаңартылған рейтингтің алғашқы ондығынан Марокко, Португалия, Бельгия, Нидерланд және Мексика құрамалары да орын алды.
Ең үлкен ілгерілеуді Норвегия құрамасы көрсетті. Команда бірден 12 сатыға көтеріліп, 31-орыннан 19-орынға шықты.
Қазақстан құрамасы рейтингтегі 111-орнын сақтап қалды. Команданың еншісінде 1180,78 ұпай бар. Әлем чемпионатының қорытындысы қазақстандық футболшылардың орнына әсер еткен жоқ.
Жақын арада ұлттық құрама УЕФА Ұлттар лигасындағы ойындарын бастайды. Алайда команда әзірге бас бапкерсіз қалып отыр.
Көп оқылған
