Сайысқа 63 ел қатысып жатыр
Қазақстанның стенд атудан жасөспірімдер командасы ISSF әлем чемпионатында тарихи жетістікке қол жеткізіп, командалық сайыста алғаш рет әлем чемпионы атанды, деп хабарлайды Azattyq Rýhy.
16-26 маусым аралығында Германияның Зуль қаласында өтіп жатқан жасөспірімдер арасындағы әлем чемпионатында қазақстандық спортшылар қыздар арасындағы «Трап» жаттығуында командалық есепте үздік нәтиже көрсетті. Олар 337 рет нысанаға дәл тигізу көрсеткішімен алтын медаль жеңіп алып, алтын тұғырға көтерілді.
Чемпиондар:
Айта кетейік әлем біріншілігіне 63 елден 778 спортшы қатысуда. Қазақстан намысын 13 мерген қорғап жатыр. Олар жекелей және командалық жарыстарда бақ сынауда.
Бұл алтын медаль Қазақстанның стенд атудан жасөспірімдер арасындағы әлем чемпионаттарындағы алғашқы жеңісі болып саналады. Аталған жетістік отандық спорттың даму деңгейін және қазақстандық спортшылардың халықаралық аренадағы жоғары бәсекеге қабілеттілігін тағы бір мәрте дәлелдеді.