Ол шешуші сында басты қарсыласынан басым түсті
Қазақстандық танымал боксшы Санжар Тәшкенбай World Boxing Әлем кубогінің алтын медалін иеленіп, өз салмақ дәрежесінде үздік атанды. Ол финалдық сында басты қарсыласынан басым түсті, деп хабарлайды Azattyq Rýhy.
Мәлімет бойынша, 50 келіге дейінгі салмақ дәрежесінде бақ сынаған екі дүркін әлем чемпионы Санжар Тәшкенбай финалда Азия чемпионы, өзбекстандық Асилбек Жалиловпен қолғап түйістірді.
Тартысты өткен жекпе-жек қорытындысы бойынша төрешілердің шешімімен қазақстандық Санжар Тәшкенбай 3:2 есебімен жеңіске жетті. Нәтижесінде Санжар Тәшкенбай 3 ұпай жинап, кездесудің жеңімпазы атанса, өзбекстандық Асилбек Жалилов 2 ұпайға ие болды. Жеңіс қазақстандық былғары қолғап шеберіне бұйырды.
Санжар Тәшкенбай Әлем кубогінің бас жүлдесіне дейінгі жолда барлық қарсыласынан айқын басымдықпен өтті. Ширек финалда ол Қырғызстан өкілі Анваржан Ходжиевті 5:0 есебімен жеңсе, жартылай финалда испаниялық Мартин Молина Сальвадорды да дәл осындай 5:0 есебімен тізе бүктіріп, финалға сенімді түрде жолдама алды.
Осылайша, Санжар Тәшкенбай өзінің жоғары шеберлігін тағы да дәлелдеп, Қазақстан ұлттық құрамасының қоржынына кезекті Әлем кубогінің алтын медалін салды.