Алматыда 100 адам келген үйлену тойы тоқтатылды

27 маусым күні Алматыда карантин кезінде 100 адам келген үйлену тойы болып жатқан мейрамхана анықталды, деп хабарлайды Azattyq Rýhy тілшісі  Almaty.tv телеарнасына сілтеме жасап.

«Объектіні аудан әкімдігі, Тауарлар мен көрсетілетін қызметтердің сапасы мен қауіпсіздігін бақылау басқармасы және полиция қызметкерлерінен тұратын мобильді топ тапты. Нұршашқан шағынауданында орналасқан «Достлук» мейрамханасының иесі әкімшілік жауапкершілікке тартылды, ал той тоқтатылды», - деп жазылған телеарна сайтында.

Айта кету керек, енгізілген шектеу шаралары мен санитарлық талаптарды бұзғандар жауапкершілікке тартылады.