Шұғыл: Шерзат Полаттың өліміне қатысты сот отырысы кезінде жер сілкінді (ВИДЕО)

Талдықорған қаласында Шерзат Полаттың өлімі бойынша кезекті сот отырысы өтіп жатқанда жер сілкінді, деп хабарлайды Azattyq Rýhy.

Сот отырысы кезінде жәбірленуші тараптың адвокаттары тәуелсіз сарапшы Тахир Халимназаровқа сұрақ қойып жатқан. Осы сәтте жер сілкініп, залдағы жұрт дүрлігіп қалды. Іске төрағалық етіп жатқан судья «тыныш, тыныш, тоқтасын сосын шығамыз» деп тыныштандырмақ болды.

Осы кезде жәбірленуші тараптың адвокаты «қазақтар, бісміллә деп отыра береді, әрі қарай жалғастыра берейік» деген ұсыныс тастады. Залдағы адамдар күліп жіберді.

Алайда судья үзіліс жариялап, бәрі сыртқа шықты.