Қазақстан мектептерінде жыныстық сауаттылық сабағы өткізіле ме – министр жауабы

Автор: Нұргүл Абай

Жыныстық қарым-қатынас тақырыбының қозғалмауы ауыр салдарға әкеп соғады дейді журналист

Фото: istockphoto.com

Оқу-ағарту министрі Ғани Бейсембаев еліміздегі мектептерде жыныстық сауат негіздері оқытыла ма деген сұраққа жауап берді, деп хабарлайды Azattyq Rýhy.

Үкіметте өткен баспасөз мәслихатында журналист қазақстандықтар арасында жыныстық қатынас әлі күнге дейін жабық тақырып екенін, соның салдарынан азғыру, тіпті балаларды зорлау фактілері тіркеліп жатқанын атап өтті. Ата-аналар балаларымен бұл тақырыпта ашық сөйлеспейді. Осыған байланысты БАҚ өкілі министрден мектептерде жыныстық тәрбие сабақтары енгізіле ме деп сұрады.

«Жоқ», - деп қысқа қайырды Бейсембаев.