Қазақстандықтар күн сайын 9 сағат 26 минут ұйықтайды — Ұлттық статистика бюросы

2024 жылғы зерттеуге сәйкес, Қазақстанда 10 жастан асқан тұрғындар тәулігіне орта есеппен 9 сағат 26 минутын ұйқыға жұмсайды. Бұл туралы Ұлттық статистика бюросы «Халықтың уақыт бюджетін пайдалануы» атты алты жылда бір рет өткізетін зерттеу қорытындысында мәлімдеді, деп хабарлайды Azattyq Rýhy.

Сауалнама нәтижесіне сәйкес:

• Ұйқыға – 9 сағат 26 минут
• Тамақ пен сусын ішуге – 1 сағат 57 минут
• Жеке күтім мен гигиенаға – 1 сағат 27 минут
• Жұмысқа – 2 сағат 56 минут
• Үй шаруашылығына – 3 сағат 14 минут
• Оқуға – күніне небәрі 26–28 минут
• Бос уақыт – 4 сағат 9 минут

Зерттеуге 10 жастан асқан 11 914 адам қатысқан. Оның басты мақсаты – халықтың уақытты қалай пайдаланатынын, жұмыс пен жеке өмір арасындағы тепе-теңдікті және өмір салтындағы өзгерістерді бағалау.