Қазақтың халық жазушысы АҚШ-та жерленбек
Қазақстандық IT маман Тимур Бектұр қазақтың халық жазушысы АҚШ-та қашан жерленетінін жазды, деп хабарлайды Azattyq Rýhy.
«АҚШ-та жүргендер болса, рәсімдері осындай, қаңтардың 9-ы бейсенбі ақшамда дүние салған Мұхтар Мағауиннің жаназасы ертең, яғни қаңтардың 11-і сенбі күні сағат 10:00-де түріктің Diyanet Center of America мешітінде оқылады. Қонақасы да сол орында 13:00-де беріледі. Жерлеу рәсімі 11:00-де Parklawn Memorial зиратында өтеді», - деді ол.
Бүгін Халық жазушысы Мұхтар Мағауин өмірден озды. Қаралы хабарды оның ұлы Едіге Мағауин естірткен еді.