«Жүргізуші куәлігін алып беремін»: Түркістан облысында алаяқтық жасаған ер адамның ісі әшкере болды

Түркістан облысы Сайрам аудандық полиция басқармасының қызметкерлері алаяқтыққа қатысты қылмыстық құқық бұзушылықты жасаған ер адамды ұстады, деп хабарлайды Azattyq Rýhy.

Белгілі болғандай, жұмыссыз күдікті ер адам танысына «жүргізуші куәлігін алып беремін» деп жалған уәде берген. Жәбірленушіден алдын ала 200 мың теңге ақшасын алып, алдап келген. Ал ақшаны жеке басының пайдасына жаратқан.

«Тәртіп сақшылары күдіктінің бұдан басқа да дәл осындай алаяқтықтың 2 фактісіне қатыстылығын анықтады. Келтірілген шығын көлемі 600 мың теңгеден астам. Қазіргі таңда ер адамға қатысты сотқа дейінгі тергеу амалдары жүргізілуде», - делінген Түркістан облысы ПД баспасөз қызметінің хабарламасында.