Қызылорда облысында баласына алимент төлемеген әке қамаққа алынды

Шиелі аудандық сотымен жергілікті тұрғынға қатысты әкімшілік құқық бұзушылық туралы іс қаралды. 2018 жылы сот қаулысымен азамат Т.-дан кәмелетке толмаған балаларын асырауға алимент өндірілген. Алайда ер адам алимент төлеуден жалтарып, 2024 жылғы тамызыңда оның берешегі 3 млн теңгеден асқан, деп хабарлайды Azattyq Rýhy аудандық сотқа сілтеме жасап.

Құқық бұзушының міндеттемелерін орындамауы мен әрекетсіздігі істі сотта қарау қажеттілігіне әкелген.

Сотта азамат Т. өзінің кінәсін толық мойындап, тұрақты жұмысының болмауына байланысты алимент төлемегенін, ал сот орындаушы ұсынған жұмыстар жалақысы төмендігіне орай  қызықтырмағанын түсіндірді. 

«Сот қаулысымен азамат Т. ӘҚБтК 669-б. 1-б. бойынша кінәлі деп танылды және оған 3 тәулікке әкімшілік қамауға алу түріндегі жаза тағайындалды», - делінген хабарламада.