Елімізде жалпы саны 4 млн-ға жуық жеңіл автокөлік бар
Биыл үш айда елімізде 216 784 жеңіл автомобиль тіркелді, деп хабарлайды Статистика комитеті.
«2020 жыдың қаңтар-наурыз айларында Қазақстанда 216 784 жеңіл автомобиль тіркелген немесе өткен жылдың сәйкес кезеңімен салыстырғанда 1,8%-ға кеміді. 1 сәуірдегі жағдай бойынша, Қазақстанда тіркелген жеңіл автомобильдердің жалпы саны 3929,5 мың бірлік», - делінген ақпарда.
2020 жылдың алғашқы тоқсанында 2740 жол-көлік оқиғасы тіркеліп, 4 мыңға жуық адам зардап шеккен. Бұл өткен жылғы сәйкес кезеңмен салыстырғанда 3,9%-ға аз.