БҚО-да төрт жасар қыз ота жасағаннан кейін аурухана төсегінде көз жұмды

БҚО-да төрт жасар қыз операциядан кейін төрт күн өткен соң аурухана қабырғасында қайтыс болды, деп хабарлайды Azattyq Rýhy жергілікті «Мой город» басылымына сілтеме жасап.

БҚО денсаулық сақтау басқармасының баспасөз қызметінің мәліметінше, 25 қыркүйекте төрт жасар қыз облыстық көпсалалы аурухананың ЛОР-бөлімшесіне түскен. Анасы қызының мұрнымен тыныс алуы, жиі суық тию, түнде қорылдау, жиі тамақ ауруы, түнгі апноэ бар деп шағымданды. Келесі күні кішкентай науқасқа операция жасалды. Төрт күннен кейін нәрестеден қатты қан кетіп, қан құса бастаған.

«30 қыркүйекте сағат 00: 35-те қыз ауыз қуысынан қан кету белгілері бар операциялық блокқа түсті. Оған ауыз қуысы мен жоғарғы тыныс жолдары арқылы санация жасалды. Сағат 00:40 - та оның жүрегі тоқтап қалды. Реанимациялық шаралар өткізгенмен, нәтиже болмады», — деп түсіндірді ведомстводан.

Сондай-ақ, облыстық денсаулық сақтау басқармасында өлімнің себебі екі аптадан кейін патологиялық (гистологиялық) зерттеу нәтижелері шыққан кезде белгілі болады деп толықтырылды.