Шымкентте 14 жастағы қызды жыныстық қатынасқа тартқан адам Ресейден табылды

Ол Новосибирск қаласында жасырынып жүрген

Фото: istockphoto.com

Бас прокуратура 16 жасқа толмаған қыз баламен жыныстық қатынасқа түскен азаматты Ресейден экстрадициялады, деп хабарлайды Аzattyq Rýhy.

Дереккөзге сүйенсек, ол 2023 жылдың қыркүйегінде Шымкентте пәтер жалдап, 14 жасар қыз баланы жыныстық қатынасқа тартқан.

«Қылмыс жасағаннан кейін қаскүнем жасырынып, оған халықаралық іздеу жарияланған болатын. Ол биыл сәуір айында Ресей Федерациясының Новосибирск қаласында жүрген жерінен ұсталды. Қазақстан Бас прокуратурасының сұрау салуы бойынша Ресей тарапы күдіктіні отанына экстрадициялау туралы шешім қабылдаған», - деп хабарлайды Бас прокуратураның баспасөз қызметі.

Күдікті тергеу изоляторына қамалған.

Мақалада

#Бас прокуратура #зорлық-зомбылық #бала құқығы #кәмелет жасқа толмағандар

Алдыңғы жаңалық

Ақсуда жалған оқу куәлігін берген ұйым басшысы бір жарым жылға сотталды