Полиция Ұланғасыр Қамидің үстінен жазылған арызға қатысты шешім шығарды
Арыздың қылмыс құрамы жоқ деп танылды
Қостанай тұрғыны Саида Сисембаева (Facebook-те Saida Kastaneda) ІІМ-ге әнші Ұланғасыр Қамдің үстінен арыз жазған еді, деп хабарлайды
Ол ҚР ҚК-нің 174-бабына сәйкес Қамидің әлеуметтік және гендерлік алауыздықты қоздыру, сондай-ақ әйелдерге қатысты зорлық-зомбылық әрекеттерін ақтау туралы мәлімдемелерін тексеруді сұраған еді.
«Менің өтінішім қанағаттандырылған жоқ. Алматы қаласының полиция департаменті өтінішімді тіркемеді. Олардың айтуынша, әнші Ұланғасыр Қәмиевтің сөздерінде ешқандай қылмыс құрам жоқ екен. Әнші сөзінде әйелдерді күйеулерінің өлтіруін ашық ақтаса да, біздің полиция оған көз жұма қарап отыр. Енді әншінің бұл пікірін қолдайтын ер адамдар әйелдерін хиджаб кимегені үшін өлтірсе не болады. Бұл сұмдық қой»,– деді Саида Сисембаева.
Еске салсақ, Әнші Ұланғасыр Қамиев әлеуметтік желіде хиджаб кимеген әйелдерді күйеулері өлтіреді деген мәлімдемесінен кейін сынның астында қалған еді.
