Пәтер жөндеу: шетел азаматы Астана тұрғындарын 11 млн теңгеге алдаған

Астанада жөндеу жұмыстары туралы хабарландырулар жариялап, жәбірленушілерден алаяқтық жолмен ақша алған адам ұсталды, деп хабарлайды Azattyq Rýhy.

«Сотталған өзін ҚР азаматы ретінде көрсетіп, қысқа мерзімде жөндеу жүргізуге уәде берген. Жұмыс жасап жатқандай кейіп танытып, алдын ала төлем алған. Ақшаны қалтаға басқан соң, жасырынып қалған», - деп хабарлады прокуратура.

Ол азаматтарға шамамен 11 млн теңге құрайтын шығын келтірілген. Сот үкімімен ол 3 жылға 6 айға бас бостандығынан айырылды.

Астана қаласы прокуратурасы сотталушының қай ел азаматы екенін нақтылаған жоқ. Сотталғаннан жәбірленушілердің пайдасына келтірілген материалдық залал өндірілді. Үкім заңды күшіне енді.