«Педагог демалыста»: Қазақстандағы ұстаздар купальник киіп, суға түсе алмай ма (ВИДЕО)

«Педагог демалыста». Өзін әлеуметтік желіде педагог ретінде таныстырған Нарғыз Дәуітованың осы мамандыққа қатысты қалыптасқан таптаурындар жайлы видеосы әлеуметтік желіде көптің күлкісін келтіріп, қызу талқыға түсті, деп хабарлайды Azattyq Rýhy.

Нарғыз Дәуітова миллиондаған қаралым жинаған видеосының астына таптаурындардың тізбесін жазған. 

«Сен ПЕДАГОГ!

1) Саған купальникпен шомылуға болмайды;

2) Саған танымал болуға болмайды;

3) Саған демалуға болмайды;

4) Саған «скромный» болу керек…Тағы да қандай стереотиптер бар?» - деп жазды ұстаз Нарғыз Дәуітова.

Пікірлер, әдеттегідей, қақ жарылды.

«Әкімдік қайда, мұғалімдер шомылып жатыр. Мынаны жауапқа тарту керек. Біріншіден, суға түсер кездегі гигиенаны сақтамаған. Екіншіден, педагог атына кір келтіріп осындай сипатта жүргені үшін. Түсінген адам үшін әзілінің астында зіл бар екен. Негізі жұмыстан тыс жеке өмірге ешкімнің араласуға құқығы жоқ. Жаным, ұстаздардың жан айқайын жеткіздің-ау. Сіздерге арнайы купальник форма ойлап шығару керек», - деп жазды желі қолданушылары.

Естеріңізге сала кетейік, былтыр Түркия еліне демалуға барып, гей--клубқа бас сұққан Қызылорданың екі мұғалімі жұмысынан айырылған болатын.