Rixos-тағы өрт: пәтерлерді жөндеу үшін бюджет қаражаты пайдаланылмайды

22 маусым күні Rixos Khan Shatyr Residences тұрғын үй кешенінде өрт шықты. Астана әкімдігі құрған комиссия ұйымдастыру мәселелерімен айналысады, алайда өрттен зақым келген пәтерлер мен қасбетті жөндеу шығыны бюджет есебінен өтелмейді, деп хабарлайды Azattyq Rýhy.

«Комиссия ғимаратты ары қарай пайдалану бойынша техникалық мәселелерді қарайды. Аталмыш үйде өрт болғанын ескерсек, бұл – төтенше жағдай, қала әкімдігі ұйымдастырушылық мәселелер бойынша көмек көрсетеді», - деп хабарлады әкімдік.

Бұған дейін, Астана қаласының әкімі Жеңіс Қасымбек Instagram парақшасында өртенген пәтерлер жөнделетіні туралы жазған еді.