Адвокаттың ойынша, Бишімбаевтың Нүкенованы VIP бөлмеде ұрғанына дәлел жоқ
Адвокат Ерлан Ғазымжановтың айтуынша, Нүкенова басын кірпіш қабырғаға соғып алғандықтан өлген, деп хабарлайды Azattyq Ruhy.
«Бишімбаевтың мейрамхананың дәлізінде Нүкенованы ұрып-соққаны камераға жақсылап түсіп қалған. Ол Нүкенованы алақанымен 4 рет ұрғанда, әйелдің басы кірпіш қабырғаға соғылады. Сол себепті оның басына қан жиналған», - деді адвокат.
Адвокаттың ойынша, Бишімбаевтың Нүкенованы ұрып жатқан басқа видеожазба табылмады, сондықтан оның VIP бөлмеде де ұрғанына дәлел жоқ.
Ерлан Ғазымжанов айыптаушы тараптың айғақтары эмоция мен болжамға құрылған дейді. Ол прокурорлардың сөзін Агата Кристидің әңгімелері сияқты детективке теңеді.