Қарағандыда жедел жәрдем жүргізушісін соққыға жыққан күдіктінің соты тікелей эфирде өте бастады

Azattyq Rýhy

Іс бұзақылық бабымен тергеліп жатыр

Қарағандыда жедел жәрдем жүргізушісін соққыға жыққан күдіктінің соты тікелей эфирде өте бастады
Фото: istockphoto.com

Қарағандыда жедел жәрдем жүргізушісін соққыға жыққан күдіктіге қатысты сот шешімі көптің көзінше шығатын болды. Бүгіннен бастап күдікті Нұрболат Дәкебавқа қатысты сот процесі тікелей эфирде өте бастады, деп хабарлайды Azattyq Rýhy КТК телеарнасына сілтеме жасап.

Аталған процесс осыдан екі ай бұрын басталған. Іс бұзақылық бабымен тергеліп жатыр. Себебі сот медициналық сараптама жәбірленуші Төреғали Берікқалиұлының денсаулығына айтарлықтай зиян келмегенін анықтаған. Дегенмен оның адвокаты медициналық сараптаманы қайта өткізуді талап етіп, бүгінгі онлайн процесте оған рұқсат алды. Осылайша. айыпталушыға тағылған бапты басқа бапқа өзгертуге күш салып жатыр.

Ал Нұрболат Дәкебаев пен оның қорғаушысы процестің онлайн өтуіне қарсы болды. Алайда бұл талап-арызды судья қанағаттандырмады. Бірақ оларды онлайн трансляцияда көрсетуе тыйым салды. Бүгінгі эфирдің аудиториясы 150 адам болды.

Еске салайық, 27 қаңтар күні түнде шақыртумен бір жасар балаға келген жедел жәрдем жүргізушісі мен күдіктінің арасында жанжал туып, арты төбелеске ұласып, Төреғали Берікқалиұлы оңбай таяқ жеген. Ол көрген қорлығы үшін 5 миллион теңге өтемақы талап етіп отыр.

«Ашықтық ешқашан кедергі болған емес. Оның пайдасы бар. Осы процестерді көріп отырған адам қылмыс жасамас бұрын ойланады. Екіншіден, елде құқықтық сауат қалыптасады деп ойлаймын. Дәкебаев сотта түсініктемелерін бірнеше рет өзгертті. Ол сырт көзге кәдімгідей көрінеді», - деді жәбірленушінің адвокаты Бағдат Хасенов.

×
Бұл желілік ресурстың ақпараттық өнімдері 18 жастан асқан адамдарға арналған.