Қазіргі уақытта күдікті Ақтау қаласының тергеу изоляторына қамалды
Қазақстанда қылмыстық топты ұйымдастырып, оны басқарған ер адам Әзербайжанда ұсталды Бас прокуратура мен Қаржылық мониторинг агенттігінің қызметкерлері күдіктіні елге экстрадациялады, деп хабарлайды Azattyq Ruhy.
«2016-2018 жылдары аралығында күдікті Қазақстанға халық тұтынатын тауарларды контрабандалық жолмен әкелумен айналысқан, сондай-ақ кедендік төлемдер мен салықтарды төлеуден жалтарған қылмыстық топты басқарды. Ол мемлекетке 4 миллиард теңгеден астам шығын келтірді», - делінген Бас прокуратураның хабарламасында.
Қазіргі уақытта күдікті Ақтау қаласының тергеу изоляторына қамалды.
Аталған қылмысты жасағаны үшін мүлкі тәркіленіп, жеті жылдан он екі жылға дейінгі мерзімге бас бостандығынан айыру жазасы қарастырылған.