Қазақстанда жаңа ипотекалық бағдарламалар іске қосылады

Жастар ипотекасы алғаш рет Павлодар облысы («Ертіс жастары») мен Ақсу моноқаласында іске қосылады, деп хабарлайды Azattyq Ruhy.

Кrisha.kz жазуынша, аталған аймақтардың әкімдігіі несие беретін «Отбасы банкімен» келісімшартқа отырды. Ипотекаға қажетті қаржыны әкімдіктер мен банк бірлесіп бөледі.

Қатысушыларға қойылатын талаптар:

• қарыз алушының жасы – 35 жасқа дейін қоса алғанда;
• соңғы 5 жылда жылжымайтын мүліктің болмауы;
• ресми жұмыс өтілі – өтініш берген кезде 6-12 ай (өңірге байланысты);
• ерлі-зайыптылардың біреуі ғана қатыса алады;
• жастарды жұмысқа орналастыруда шектеулер бар.

Ипотекалық бағдарламаның шарттары:

• сыйақы мөлшерлемесі – жылдық 5%-дан (жылдық тиімді сыйақы мөлшерлемесі – 5,2%-дан);
• бастапқы жарна – 10%;
• несиенің максималды сомасы – аймаққа байланысты 10-нан 20 миллион теңгеге дейін. Таңдалған баспана қымбатырақ болса, қарыз алушы айырманы өз қаражатынан жабуы керек;
• несие мерзімі - 19 жылға дейін.

Өтінімдерді қабылдау мерзімі мен қатысушыларға қойылатын нақты талаптар туралы облыс әкімдіктері қосымша хабарлайды.

«Отбасы Банкінің» баспасөз қызметі түсіндіргендей, жастарға арналған бағдарламалар еліміздің барлық дерлік аймағын қамтиды. Олар Астана, Алматы, Шымкент қалалары, Жетісу, Ақтөбе, Алматы, Қарағанды, Қостанай, Жамбыл, Абай, Ұлытау облыстарында жұмыс істейді.

Жастар ипотекасын жүзеге асырудың жалпы сомасы 98 млрд теңгеден асады.