Өрттің алдын ала себебі анықталу үстінде
Таразда 31 тамызда сағат 17.59-да бес қабатты тұрғын үйдің екінші қабатындағы пәтерден өрт шықты, деп хабарлайды Azattyq Ruhy өңірдің ТЖД баспасөз қызметіне сілтеме жасап.
Қызыл жалын одан әрі бірінші қабаттағы ломбард пен дүкеннің шатырына ұласты. Өрттің ауданы - 40 шаршы метр.
«Өрт сөндіру қызметінің күшімен өрт 18-19-да оқшауланып, сағат 18-28-де толық жойылды. Өртті сөндіру барысында баспалдақ арқылы 30 адам эвакуацияланды, оның ішінде 13 бала бар. Өрт орнынан түтіннен улану белгісі бар пәтер иесі табылып, ауруханаға жеткізілді», - деді Жамбыл облысы ТЖД баспасөз қызметі.
Өрттің алдын ала себебі анықталу үстінде.