«Дөрекі сөзді әдемі есімге түзеткім келді»: Маңғыстауда шатқалға жазу ойған шенеунік кешірім сұрады

Маңғыстаудағы Ыбықты-сай шатқалына ойып жазу қалдырған мәдениет қызметкері Манас Көшербаев өз әрекетінің себебін түсіндірді. Бұл туралы ол өзінің Facebook парақшасындағы бейнеүндеуінде айтты, деп хабарлайды Azattyq Ruhy.

«Мен Көшербаев Манас Маратұлы 24 тамызда Маңғыстау облысы, Ақтау қаласы Ыбықты сайда болған жағдайға байланысты түсініктеме бергім келеді. Ыбықты сай – Маңғыстаудың көркем жерлерінің бірі. Өкініштісі, қараусыз қалған. Жолы өте нашар, жан-жағы қоқысқа толы. сол әдемі, керемет үңгірдің іші толған жазу, әдепсіз сөздер. Сондай бір дөрекі сөзді әдемі есімге айналдырмақ ниетім ғана болды. Аңдаусыз жаза бастым. Жаңылмайтын жақ, сүрінбейтін тұяқ болмайды. Аса қатты сөкпеңіздерші!! Тарихи жерге қылдай қиянат қылу ойымда да болмады. Барша отандастарымнан, Маңғыстау жұртынан басымды иіп кешірім сұраймын! Ғафу етіңіздер»,- деп жазды ол.