Елена Рыбакина Монреальдағы WTA 1000 турнирінің жартылай финалына шықты

Қазақстандық теннисші ширек финалда ресейлік теннисші, әлемнің 10-ракеткасы Дария Касаткинамен ойнады

Фото: inform.kz

Қазақстанның бірінші, әлемнің төртінші ракеткасы Елена Рыбакина Монреальда (Канада) өтіп жатқан WTA 1000 турнирінің ширек финалдағы матчын өткізді, деп хабарлайды Azattyq Ruhy Zakon.kz-ке сілтеме жасап.

Қазақстандық теннисші ширек финалда ресейлік теннисші, әлемнің 10-ракеткасы Дария Касаткинамен ойнады.

Елена Рыбакина 5:7, 7:5, 7:6(10:8) есебімен ұтты.

Қазақстандық теннисші 3,5 сағатқа созылған матч кезінде 7 эйсті орындап, 7 қос қателік жасады. 24 брейк-пойнттың 10-ын сәтті пайдаланды.

Енді Елена Рыбакина жартылай финалда ресейлік тағы бір теннисші, әлемнің 18-ракеткасы Людмила Самсоновамен ойнайды.

Мақалада

#теннис #WTA #Елена Рыбакина

Алдыңғы жаңалық

МАЭК-те апат: бірқатар елді мекен жарықсыз қалды