«Анам мені пышақпен қорқытады»: Алматы облысында анасы туған балаларын ұрып-соққан

Алматы облысының Покровка ауылының тұрғындары кішкентай балаларға қатысты қатыгездік туралы полицияға шағымданды, деп хабарлайды Azattyq Ruhy Zakon.kz-ке сілтеме жасап.

Балалар сөзінше, анасы оларды күніне бірнеше рет мас күйінде ұрады. Ұл мен қыз денелеріндегі көгерген жерлері мен құлақ тұсындағы жараларын көрсетті. Ал балалардың үлкені үйден қашып кеткісі келетінін айтты.

«Ол мені күн сайын кішкентай қарындасыма қарамадың деп ұрады. Мен әкеммен бірге ауылға барғым келеді, анам мені пышақпен қорқытады», – дейді бала.

Бұл оқиғаға Іле ауданының білім бөлімі жауап берді. Ондағылардың айтуынша, әйел табылып, әкімшілік жауапкершілікке тартылған.

«Оны Іле аудандық полиция басқармасының қызметкерлері әкімшілік жауапкершілікке тартты. Балаларды іріктеп алып, кәмелетке толмағандарды бейімдеу орталығына жіберді», – делінген білім бөлімінің хабарламасында.

Қазір әйелдің ата-ана құқығынан айыру мәселесі шешілуде